1 Aza a na zuwai ucira u le uba̱ta̱ wa̱ A̱sulazuva,

a̱ ta̱ tsa masasan ma̱ Sihiyona,

za na a̱ jinga̱ɗa̱ shi ko ke'en,

u ta̱ da̱na̱ ushuwu hali hali.

2 Cine nsasan n ka̱nda̱ruwa̱i Urishelima,

ne fo A̱sulazuva a̱ ri uka̱nda̱ruwu na ama a̱ yi,

diga gogo a̱ tyo hali hali.

3 A̱za̱ e iwuya aa yuwan tsugono

tsi iɗa i na a cayi a̱za̱ a̱ a̱ɓula̱ shi,

adama a na nna a yuwan ne,

u ta gura o'wo a̱za̱ a̱ a̱ɓula̱'a̱ fo

a yuwan iwuya.

4 A̱sulazuva, vu roco aza a na aa yuwusan isa'ani isa'ani,

aza a amayun okolo.

5 Amma vu ge'eto aza a na a vadalai

o tono linga vi iwuya yo okolo e le,

a mantsa ma na vu ri a casu

a̱za̱ e iwuya a̱tsuma̱lima̱!

Lyawa asuvu nden a̱ da̱na̱ oɓolo na̱ Isra'ila!