1 A̱sula̱ vu roco,

n ri nu unusu shi,

vu usaa mu ili i na i ri za va̱,

e ekere aza a na e revei A̱sula̱ shi.

Vu wawa mu

diga epen a̱za̱ e iwuya.

2 A̱vu ɗa A̱sula̱,

a̱vu ɗa upa'atan u va̱,

adama a̱ nye vu lyawa numu?

Adama a̱ nye n ri a mmalu na̱ a̱tsumola̱ngu,

adama o ule'e wu n'yuwatan n va̱?

3 Vu lyungu ekan na amayun a̱ wu,

vu zuwa le a̱ ronoo mu aaɗanga.

Vu zuwa le a̱ ta̱wa̱to mu aagaɗi a akiza a̱ wu,

uba̱ta̱ u na vu ri na̱ nden.

4 Reve n 'ya̱wa̱ a masa'a ma̱ wu A̱sula̱,

a̱ 'ya̱wa̱ uba̱ta̱ wa̱ wu

a̱vu na va zuwusa mu ma̱za̱nga̱ na̱ mere.

N ta cana ishipa yi ica a̱ tyo uba̱ta̱ wa̱ wu na̱ kumburu va̱,

A̱sula̱, A̱sula̱ a̱ va̱.

5 Nye i ta̱wa̱a̱ numu na̱ okolo ula̱ngu?

Nye i ta̱wa̱a̱ numu na̱ a̱tsumola̱ngu?

N ta zuwa okolo a̱ va̱ uba̱ta̱ wa̱ A̱sula̱,

n ta cuwisa yi,

za vi iwawi i va̱ na̱ A̱sula̱ a̱ va̱.