1 Ana aza a Isra'ila,

o uta̱i diga Masar,

ana u'wa wa Yakubu,

u lyawai iɗa ya omocin i ndolo,

2 Yahuda o o'wo ta̱,

uba̱ta̱ wu nden wa akiza wa̱ A̱sula̱,

Isra'ila waru agadu a̱ yi.

3 Mala ma̱ shili me ene yi ta̱

reve u suma,

uɗolu wa Yahuda

u lyawa ta̱ mmalu,

4 nsasan n da̱na̱ ta̱ a tsu'yan,

tsa̱ a̱giri'i,

agaɗi waru,

tsu mukyokyon.

5 Nye i ɗa i yuwan nuwu

a̱vu mala a na vu sumai?

A̱vu uɗolu wa Yahuda,

a na vu lyawai mmalu?

6 A̱ɗu nsasan,

a na i ri a tsu'yan tsa̱ a̱giri'i?

A̱ɗu agaɗi waru, tsu mukyokyon?

7 Je'en lipu a̱vu uvaɗi,

a̱ ma̱ka̱ka̱n ma̱ A̱sulazuva,

a̱ ma̱ka̱ka̱n ma̱ A̱sula̱ a Yakubu,

8 za na ka̱mba̱toi aatali oko'o a̱ mini,

aatali o ugbamu waru esu a̱ mini.