1 N 'yasan ta̱ uɗyo u va̱

a̱ tyo uba̱ta̱ wa̱ A̱sulazuva.

Nu uɗyo u va̱ u ɗa n ri e ipati

yi isa'ani uba̱ta̱ wa̱ wu.

2 N ta̱wa̱a̱ ta̱ ni ili i na ya̱a̱ ɓa̱la̱ mu suru a̱ ma̱ka̱ka̱n ma̱ yi,

a̱ ma̱ka̱ka̱n ma̱ yi ma ɗa maa dansa addama a̱ va̱.

3 A mantsa ma na okolo a̱ va̱ a cigai makuɗaa,

a̱vu ɗa vu revei ure u na ma̱a̱ kuru.

A̱tsuma̱ o ure u na ma̱a̱ kurusu

n'yuwatan n va̱ mazuwa mu ta̱ maza.

4 Ka̱lyuwa̱ upasu wu ukere usa'ani u va̱ vee ene,

ko za ri lo aɗa a̱ va̱ shi.

N ri nu uba̱ta̱ u na maa suma m pa'an shi,

ko za ri lo aɗa a wuma u va̱ shi.

5 N showen ta̱ A̱sulazuva,

n damma, <<A̱vu ɗa upa'atan u va̱,

a̱vu ɗa ili i na n ri na̱ yi

a̱tsuma̱ o uvaɗi wa aza a wuma.>>

6 Poloo mesun ma̱ va̱ atsuvu,

adama a na n ta̱ pe a̱tsuma̱ a̱tsuma̱lima̱ lon.

Vu wawa mu e ekere a aza a na oo ɓongishi mu,

adama a na a la'a ta̱ ucira u va̱.

7 Uta̱a̱ wuma u va̱ diga a̱tsuma̱ o u'wa wa ali,

adama n ciɓala ala a̱ wu.

A̱za̱ a̱ a̱ɓula̱ a̱ ta̱ ka̱nda̱ruwa̱ mu,

adama a na vu ta yuwaan mu isa'ani lon.