1 A̱sula̱ tsu godyowo wu ta̱,

na amayun tsu godyowo wu ta̱

adama a na Ala a̱ wu a̱ ta̱ zuzu!

Tsu ta yuwusan adanshi

e ili ya asalama i na vaa yuwusan.

2 Vu damma ta̱, <<N ɗangula ta̱ mantsa ma na wuntsayi wu uge'etosu.

A̱mu ɗa za na a yuwusan uge'etosu wa amayun.

3 Mantsa ma na uvaɗi na ama a̱ yi a̱ jinga̱ɗa̱i suru,

a̱mu ɗa za na isawatoin atsura a̱ yi. Wivuwun

4 N damma ta̱ a̱za̱ o uvaɗu,

<She i da̱shi yuwan uvaɗu wan.>

A̱za̱ e iwuya fo n damma le ta̱,

<She i 'ya̱sa̱n avangaci wan.

5 She i 'ya̱sa̱n avangaci i yuwan nla̱ngi na̱ zuva wan,

she i yuwan adanshi na̱ ma̱ka̱ga̱ wan.> >>

6 Babu vuma ro diga asana ko a̱livu

ko diga a̱tsumona na waa ca aciya̱yi tsugbain.

7 Amma A̱sula̱ a ɗa za vu uge'etosu,

a̱ yi ɗa u tsu ka̱ɗa̱to vuma

waru a̱ yi ɗa u tsu ca tsugbain.

8 A̱sulazuva a̱ ta̱ uɓa̱nu na̱ mokkoto

tapu na̱ masayan ma̱ inabi ma sa'avu

uja̱mba̱ru ni itana yu ucita.

U tso ocosu yi ta̱, waru a̱za̱ e iwuya o uvaɗi suru

o tsu sowo yi ta̱ suru.

9 Agba a̱mu, n ta yuwan adanshi a nda hali hali.

N ta canaa A̱sula̱ a Yakubu ica,

10 za na aa dansa, <<N ta kuɗa ucira wa̱ a̱za̱ e iwuya suru,

amma n ta̱ da̱shi 'ya̱sa̱n ucira wa̱ a̱za̱ a̱ a̱ɓula̱.>>