1 A̱sula̱, vu jika̱ vu wawa mu!

A̱sulazuva ta̱wa̱ gogo vu kamba mu!

2 Lyawa aza a na a zama wuma u va̱

a uwwa wono, a̱vu a̱ ra̱pula̱.

Lyawa aza a na a uwwusa uyo'o wa atakaci a̱ va̱

a̱ ka̱mba̱ o sowo wono.

3 Lyawa aza a na a dansaa mu <<Kushi!>>

A̱ ka̱mba̱ na̱ a̱ca̱pa̱ adama o wono u le.

4 Amma lyawa aza a na a zama wu suru

a yuwan ma̱za̱nga̱ na̱ mere!

Lyawa aza a na a̱ ri e icigi yi iwawi ya̱ wu

mantsa suru a damma,

<<Lyawa A̱sulazuva a̱a̱ tsura̱ tsugbain!>>

5 A̱sula̱, na̱ ne suru a̱mu za vu ulambu ɗa

za na cigai ikambishi,

vu ta̱wa̱ ya̱'a̱ va̱ gogo!

A̱vu ɗa zavi ikambishi i va̱

na̱ za vi iwawi i va̱,

A̱sulazuva! She vu jima wan.