1 A̱sulazuva A̱sula̱ a̱ va̱,

uba̱ta̱ wa̱ wu u ɗa maa zama upa'atan.

Vu wawa mu diga e ekere aza a na a azama wuma u va̱,

vu yuwaan mu mapari.

2 Na̱ ne ɗa shi,

aa ta tara mu

a̱ tyo uba̱ta̱ u na babu za na a wawa mu.

Ɗe ɗa a kakara mu,

ununa kamu tsu yuwan.

3 A̱sulazuva A̱sula̱ a̱ va̱,

n na̱ yuwan ta̱ unusu,

hali na a̱ tsura̱i unusu e ekere a̱ va̱,

4 n na̱ m paala ta̱ ɗe i'utsa̱ i va̱,

ko babu ufaru n paala ma'yuwatan ma̱ va̱,

5 to, lyawa n'yuwatan n va̱

n saɓa mu e reme mu.

Lyawa a dadasa a̱mu e iɗa,

hali na a lyawa mu e iɗa ukwa̱.

6 'Yon, A̱sulazuva,

a̱tsuma̱ o upan wa̱ wu,

vu yuwan nla̱ngi nu upan wu n'yuwatan n va̱.

'Yon, A̱sula̱ a̱ va̱,

vu kamba mu,

vu yuwan uge'etosu u mejege.

7 Lyawa o ɓoloto elentsu suru uba̱ta̱ wa̱ wu,

vu yuwan tsugono tsa̱ ele diga zuva.

8 A̱sulazuva,

a̱vu ɗa za na e ge'etosu nɗa suru.

A̱sulazuva,

vu ge'eto mu o una̱ wa̱ a̱ɓula̱ a̱ va̱,

adama a na vu reve ta̱ naa n ri nu unusu shi.

9 A̱sula̱ za va̱ a̱ɓula̱,

a̱vu ɗa za na tsu reve majiyan oɓolo no okolo a ama.

Lyawa vi isawaton iwuya ya̱ a̱za̱ e iwuya,

a̱vu vu tsupaa ama a̱ɓula̱.

10 A̱sula̱ a ɗa a̱a̱ra̱ga̱ a̱ va̱,

waru u tsu wawa ta̱ a̱za̱ tsutoni na̱ yi.

11 A̱sula̱ za vu uge'etosu wa̱ a̱ɓula̱ a ɗa.

Za na tsu ge'eto a̱za̱ e iwuya mantsa suru.

12 N na̱ vuma vadala shi,

A̱sula̱ a̱ te tewen matsun me pe'eni ma̱ yi,

waru u foɓo ta̱ ɗe utan wa̱ yi.

13 U foɓo ta̱ ɗe itana yu uvon i tsukono tsa̱ yi,

waru u satsu ta̱ ɗe iliya ya akina ya̱ yi.

14 Ka̱lyuwa̱ cine a̱za̱ e iwuya,

a̱ ri utanuwu na̱ a̱a̱tsuma̱ e iwuya,

a̱ ta̱ na̱ a̱a̱tsuma̱ o mokoɗo,

waru a ta matsusan epen.

15 A̱ ta̱ ka̱pusa̱ a̱ka̱ri a̱ a̱ru'un,

waru a̱ ta̱ riya̱ a yakuru na a azuyi.

16 O foɓoo ta̱ ozo o ro ibili,

amma a̱vu u vadala aciyele.

Waru o foɓo ta̱ u'ya̱susa̱n wu ugbozu,

agba a̱ yi ɗa nda u vadalai aci ele.

17 N ta̱ godyowo A̱sulazuva,

adama o uge'etosu wa̱ a̱ɓula̱ a̱yi,

waru n ta cana ishipa yi ica

a̱ tyo uba̱ta̱ wa̱ A̱sulazuva za na La'ai Tsugbain.