1 Cuwai A̱sulazuva!

N ta̱ godyowo A̱sulazuva,

no okolo a̱ va̱ suru,

a̱tsuma̱ e iɓolo ya ama

a amayun a̱yi.

2 Linga va̱ A̱sulazuva aza a gbagbain ɗa,

aza a na a uwwusa u yo'o u le

a ta majiyan ma̱ le.

3 Linga va̱ yi tapu ɗa a̱ ri,

nu ucira na̱ tsugbain,

a̱ɓula̱ a̱ yi waru, a̱ ta̱ lo hali hali.

4 U zuwa ta̱ a cuwan

na̱ linga va̱ yi va asalama,

A̱sulazuva za vi isa'ani ɗa,

waru za vi iliyali.

5 U tsu ca ta̱ ilyalya uba̱ta̱ wa

aza a na a uwwusa wovon wa̱ yi,

u tsu cuwan ta̱

na akucunu a̱ yi mantsa suru.

6 U roco ta̱ ama a̱ yi

ucira wu linga va̱ yi,

ana u ca nle iɗa

yo omocin wo o'wo agadu e le.

7 Linga ve e ekere a̱ yi,

aza amayun a ɗa na̱ mejege,

udammu wa̱ yi suru,

ili i na a zuwaa ucira u ɗa,

8 a̱ ta̱ ushuwu hali hali hali,

a yuwan le ta̱ a̱tsuma̱

amayun na̱ mejege.

9 U tsupaa ta̱ ama a̱ yi,

wi isawaton ta̱ nzuwulai ma̱ yi hali hali.

Ala a̱ yi za va akiza ɗa,

ni ili i wovon.

10 Wovon wa̱ A̱sulazuva a ɗa,

ufaru wu ugbozu,

aza a na o toniyi udammu wa̱ yi suru,

a̱ tsu tsura̱ ta̱ urevu u sa'ani.

A̱yi ɗa yaa yuwaan ica hali hali.