1 A̱sulazuva, a̱tsuma̱ o usa̱n wa̱ a̱tsuma̱lima̱ a̱ va̱

n ta̱ a̱ mesun uba̱ta̱ wa̱ wu.

2 A̱sulazuva, vu uwwa mesun ma̱ va̱!

Vu polo atsuvu

a̱ mesun ma na ma yuwusan

me izami yi ikambishi!

3 Nna̱ a̱vu A̱sulazuva, vee kecishe nusu,

zane ɗa a la'a?

4 Amma vu tsu yuwaan tsu ta̱ gafura,

adama tso o'wo aza a na

a uwwusa wovon wa̱ wu.

5 N jima ta̱ a zuwusa okolo uba̱ta̱ wa̱ A̱sulazuva,

waru n zuwa ta̱ okolo e idanshi ya̱ yi.

6 Wuma u va̱ u ta̱ maluwa ma̱ A̱sulazuva

ula'awu na̱ cine a̱za̱ e ipiri

a̱ tsa̱ da̱na̱ a maluwa ma na ee ene usana,

Ee, ula'awu na̱ cine a̱za̱ e ipiri

a uwwusa maluwa ma na ee ene usana.

7 A̱vu Isra'ila,

vu zuwa ucira uba̱ta̱ wa̱ A̱sulazuva,

adama a na uba̱ta̱ wa̱ A̱sulazuva a̱ tsu tsa̱ra̱ ta̱

icigi i na i tsu vadala shi,

mantsa suru u tu ufoɓu u na waa yuwan gafura.

8 U ta wawa ama a̱ yi aza a Isra'ila

diga a̱tsuma̱ a̱ nusu le suru.