1 A̱sula̱, vee ene iliyali i va̱,

adama e icigi ya̱ wu i na i tsu vadala shi.

Vu tasa nusu va̱,

adama a̱bunda̱ e iliyali ya̱ wu.

2 Vu za̱'wa̱ nusu va̱ suru,

vu ka̱mba̱to mu cece

diga o unusu u va̱!

3 Adama a na n tu urevu na̱ nusu va̱,

waru unusu u va̱ u ta̱

a̱ ma̱ka̱ka̱n ma̱ va̱ kuci.

4 A̱vu ɗa goon n yuwayin unusu,

n yuwan ta̱ iwuya e esu a̱ wu,

na wo o'woi vu tsu yuwan ta̱ mejege o uge'etosu wa̱ wu,

ugana u na vu paɗai wuntsaa ta̱.

5 Amayun, a̱mu za vu unusu ɗa,

diga a mantsa ma na

mma va̱ tarai a̱a̱tsuma̱ a̱ va̱.

Amayun, a̱mu za vu unusu ɗa,

diga urana u na a matsan numu.

6 Amayun vu ciga ta̱ mejege pe a̱a̱tsuma̱ a̱ va̱.

Vu rito mu ugbozu pe a̱a̱tsuma̱ a̱ va̱.

7 Vu za̱'wa̱ mu na̱ hiso*,

n to o'wo cece!

Vu za̱'wa̱ mu diga o unusu u va̱,

reve mo o'wo puwu hali n la'a tsikilu.

8 Vu zuwa mu n yuwan ma̱za̱nga̱ na̱ mere,

vu zuwa etele a na vu kuɗai a yuwan ma̱za̱nga̱.

9 Vu tawa nusu va̱,

reve vu tasa nusu va̱ suru.

10 A̱sula̱, vu rumaa mu okolo e cece,

a̱vu vu zuwaa mu wuma u sa'avu u tsutoni.

11 She vu gba̱ra̱ mu a̱ ma̱ka̱ka̱n ma̱ wu wan,

ko vu tawa Ruhu va Akiza a̱ wu a̱a̱tsuma̱ a̱ va̱.

12 Vu ka̱mbuwa̱a̱ mu na̱ ma̱za̱nga̱

cine ushi a mantsa ma na vu wawa numu,

a̱vu vu ca mu ruhu tsutoni

na a ɓana mu.

13 Ne ɗa moo rito a̱za̱ o unusu re va̱ wu,

waru a̱za̱ o unusu a̱ ta̱ ka̱mba̱ uba̱ta̱ wa̱ wu.

14 A̱sula̱ vu wawa mu

diga o unusu u wocosu wu mpasa.

A̱sula̱ e iwawi i va̱,

eelentsu a̱ va̱ aa ta cana a̱ɓula̱ a̱ wu.

15 A̱sulazuva kpa̱tu'wa̱ una̱ u va̱,

lyawa una̱ u va̱ u yuwaan wu ica.

16 Vaa yuwan ma̱za̱nga̱ na̱ kucci shi,

na̱ ne ɗa shi n shi ta̱ a̱ ta̱wa̱a̱ wu ne ele,

nna̱ n ta̱wa̱a̱ wu na̱ kucci vu ukula̱tosu

va̱a̱ usu le shi.

17 A̱sula̱, kucci va amayun e ekere a̱ wu,

a̱yi ɗa okolo a sa'ani,

A̱sula̱ va 'yuwan okolo a sa'ani

a na a vadalai shi.

18 Vu yuwaan Sihiyona

isa'ani cine vu cigai,

vu suwisa kari va̱ Urishelima.

19 Ne ɗa va uwwa uyo'o u kucci va̱ a̱ɓula̱,

na̱ kucci vu ukula̱tosu suru

a̱vu a ca kucci vo ogono e inan

a masa'a ma̱ wu.