1 A̱sulazuva,

she vu ɓara mu a̱tsuma̱ o upan wa̱ wu wan,✝

she vu foro mu a̱tsuma̱ o upan wu usuɗu wa̱ wu wan.

2 A̱sulazuva,

vee ene iliyali i va̱, n ta̱ ma̱kuwa̱ ben ben,

etele a̱ va̱ a̱ ta̱ka̱lyuwa̱ ta̱ lon, vu da̱shi mu ucira!

3 A̱sulazuva,

n ta̱ pe a̱tsuma̱lima̱ lon,

hali mantsa ma̱ ne ma ɗa woo koto?

4 A̱sulazuva ta̱wa̱,

vu wawa mu!

Vu wawa mu,

adama e icigi ya̱ wu i na i tsu vadala shi.

5 Adama a na a̱tsuma̱ a̱kwa̱kwa̱,

zane ɗa a cuwan na̱ a̱vu?

Za lo na wa cuwa wu,

a̱tsuma̱ a aason shi.

6 N kuna̱ ta̱ suru suru adama a̱tsuma̱lima̱,

ayin ma̱ɓula̱,

n tsu re'weto ta̱ a̱a̱ga̱da̱ a̱ va̱ na aɓara,

n tsu re'weto ta̱ ili i buku ya aci i va̱,

na aɓara.

7 Esu a̱ va̱ a tsutsa ta̱,

nu usa̱n u ɗa me eneshe,

adama a̱bunda̱ a̱ mesun ma̱ va̱,

mesun ma na n'yuwatan n va̱ n zuwa numu.

8 Lyawa numu, a̱ɗu a̱za̱ e iwuya!✝

Adama a na A̱sulazuva a uwwa ta̱ ɗe mesun ma̱ va̱.

9 A̱sulazuva a uwwa ta̱ ɗe ipati i va,

waru u usu ta̱ avasa a̱ va̱.

10 Lyawa n'yuwatan n va̱ suru a uwwa wono,

waru a da'wan lon.

Lyawa a vadala babu usa̱n a̱ ka̱mba̱ na̱ wono.