1 A̱sula̱, vu uwwa mesun ma̱ va̱,

vu usu avasa a̱ va̱.

2 N ɗewu ta̱ diga o ukosu wu uvaɗi,

n ɗewu ta̱ a mantsa ma na okolo a̱ va̱ a kuɗai.

Vu ronoo mu aɗanga a̱ tyo aatali

a na a la'a numu uga'an.

3 Adama a na a̱vu ɗa upa'atan u va̱,

atsura o ucira a aci a n'yuwatan n va̱.

4 N ta maluwa ma na ma̱ da̱nu

o Oogodo a̱ wu hali hali,

tsura̱ n tsura̱ upa'atan

a̱tsuma̱ o ululu we evelu a̱ wu.

Za̱la̱ ve evelu a̱ wu.Wivuwun

5 A̱sula̱, adama a na vu uwwa ta̱ akucunu a̱ va̱,

vu ca mu agadu aza a na

a uwwusa wovon wa ala a̱ wu.

6 Vu da̱shi rana wuma u mogono,

lyawa a'wan a̱ yi a̱ da̱na̱

mantsa a̱a̱ a̱bunda̱.

7 Lyawa u yuwan tsugono e elime A̱sula̱ hali hali,

vu zuwa icigi ya̱ wu na amayun a yuwaan yi mapari.

8 Ɗaɗa ma̱a̱ da̱na̱ a cuwusa ala a̱ wu

waru n shiton akucunu a̱ va̱ urana suru.