1 Vu usu mu a mantsa ma na n ɗeyi,

A̱sula̱ a̱ va̱, za na tsu roco,

a̱mu za babu unusu ɗa!

Vu tawaa mu a̱tsuma̱lima̱ a̱ va̱,

vee ene iliyali i va̱, vu uwwa avasa a̱ va̱.

2 A̱ɗu ama a nda,

hali a cina mantsa ma̱ ne ma ɗa

ya lyawa a̱ lungususa̱ aala a̱ va̱?

Hali mantsa ma̱ ne ma ɗa ya

lyawa icigi ya adanshi e pere ne epen?

3 I gura reve,

A̱sulazuva a ɗangulaa ta̱ aciya̱yi

a̱za̱ a̱ cu'un vo okolo a̱yi,

A̱sulazuva a ta uwwa mu,

a mantsa ma na n ɗe niyi.

4 Nna̱ i yuwan upan,

she u zuwa ɗu i yuwan unusu wan.✝

I yuwan majiyan me e ili ya nda kpen o okolo a̱ɗu,

a mantsa ma na i voyin a̱ga̱da̱ a̱ɗu.

5 I ca A̱sulazuva

kucci na ntsayi,

waru i zuwa ucira u ɗu uba̱ta̱ wa̱ yi.

6 Ama na̱ a̱bunda̱ a ta dansa,

<<Zane ɗa o roco tsu isa'ani!>>

Amma A̱sulazuva,

vu ka̱lyuwa̱ tsu ne esu asa'ani.

7 Vu shiton ta̱ okolo a̱ va̱ na̱ ma̱za̱nga̱ lon,

ma na ma la'ai

aza a na a̱ ri ni ishina na̱ masayan ma̱ inabi ma̱ a̱bunda̱.

8 N to von a̱vu n lantsa na asuvu nden,

adama a na a̱vu ɗa goon mapari ma̱ va̱.