1 A̱sulazuva,

hali mantsa ma̱ ne ma ɗa ve e icina na̱ a̱mu?

Hali mantsa ma̱ ne ma ɗa vo sokowo mu urewesu wa̱ wu?

U to o'wo hali hali?

2 Hali mantsa ma̱ ne ma ɗa ma yuwan mpolo na̱ a̱tsuma̱lima̱ a nda?

Urana suru n ta̱ na̱ a̱tsuma̱lima̱ o okolo a̱ va̱.

Hali acina mantsa ma̱ ne ɗa a lyawa n'yuwatan n va̱,

n lyuwa aci a̱ va̱?

3 Ka̱lyuwa̱ mu, A̱sulazuva A̱sula̱ a̱ va̱,

vu usu mu!

Vu zuwa esu a̱ va̱ ene ure,

she vu lyawa ukwisa̱ u ɓa̱ru le wan.

4 Ta̱wa̱ n'yuwatan n va̱ n damma,

<<Tsu lyuwa ta̱ aci a̱yi.>>

A̱vu a yuwan ma̱za̱nga̱

a mantsa ma na n riya̱i wan.

5 Amma n zuwa ta̱ ucira u va̱,

uba̱ta̱ wi icigi ya̱ wu i na i tsu vadala shi.

Ookolo a̱ va̱ a ta yuwan ma̱za̱nga̱,

adama e iwawi ya̱ wu.

6 N ta canaa A̱sulazuva ishipa,

adama a na u ta̱ rocosu mu isa'ani lon.