1 Cuwai A̱sulazuva!

Canaa yi A̱sulazuva ishipa i sa'avu,

i canaa yi ica a̱tsuma̱ e iɓolo ya ama a̱ɓula̱ a̱ yi.

2 Lyawa Isra'ila yuwan ma̱za̱nga̱,

adama a za na Yuwan niyi,

yuwain ma̱za̱nga̱ a̱ɗu muwun ma Sihiyona,

adama o Mogono ma̱ ɗu!

3 Lyawa a cuwa ala a̱ yi nu uje'en,

a lapaa yi ili tsuwe'e,

maganga na̱ kumburu.

4 Adama a na A̱sulazuva

a ta uwwusa uyo'o wa ama a̱ yi,

u tsu ca ta̱ aza a na a tarai

aciyele ili i ro shi ulyuwu wa aci.

5 Lyawa a̱za̱ a̱ a̱ɓula̱ a yuwan ma̱za̱nga̱,

adama a tsugbain tsa a na u ca nle,

a ta cana ishipa i ma̱za̱nga̱ zuva va̱ a̱ga̱da̱ e le.

6 Lyawa ica yu ucira ya̱ A̱sula̱ i da̱na̱ a̱ na̱ le,

na̱ matsun me pe'eni ma̱ na̱ re e ekere e le,

7 adama a̱ tsura̱ ulyuwu wa aci e ekere a nɗa,

reve a ca oforo e ekere a ama.

8 A̱ nla̱ ngono n le na akani,

azagbain e le waru na̱ akani e irumu,

9 a yuwaan le uge'etosu,

cine u ri uɗanu.

A̱yi nda a̱ yi ɗa tsugbain,

tsa ama a̱ a̱ɓula̱ a̱ yi suru.

Cuwai A̱sulazuva.