Ica 26

Ica ya̱ Da̱wuda.

1 A̱sulazuva vu roco,

a̱mu za vu unusu ɗa shi,

adama a na n yuwan ta̱

ili i na i ri mejege,

waru n zuwa ta̱

ucira u va̱ ya̱’a̱ wu

n kuɗa okolo shi.

2 A̱sulazuva vu petelyuwe mu ve e ene,

waru vu lyungwa̱ mu,

vi idana okolo a̱ va̱

na̱ majiyan ma̱ va̱.

3 Adama a na n ta̱ nu

urevu wi icigi ya̱ wu i na i tsu vadala shi,

waru a̱tsuma̱ a̱ɓula̱ a̱ wu a ɗa

ma yuwusan mmalu mantsa suru.

4 N tsu da̱nu naa ama e pere shi,

waru babu imini i va̱ na̱ a̱za̱ e ikpa’a.

5 N 'yuwan ta̱ iɓolo yaa ama awuya,

waru n 'yuwan ta̱ a̱ da̱nu

na̱ a̱za̱ e iwuya.

6 A̱sulazuva mu za̱’wa̱ ta̱ e ekere a̱ va̱,

adama n roco n ri nu unusu shi,

na̱ a̱ga̱nda̱ a ɗa n tsu dasu

a̱ka̱nda̱ruwa̱ masa’a ma̱ wu.

7 N ta canasa ishipa

yu ugodyusho nu ucira,

a dansa ili ya asalama

a na vu yuwain suru.

8 A̱sulazuva n ta̱ e icigi,

yu u’wa u na vu ri nden,

uba̱ta̱ u na tsugbain tsa̱ wu

tsa̱ ri nden.

9 She vu kototo mu

oɓolo no ozo o unusu wan,

ko vu tara wuma u va̱

oɓolo na aza a na

o ocosu mpasa wan.

10 Ekere e le a ta yuwusan iwuya,

waru ekere le a̱ ta̱ tapu

nu utowusu wu una̱.

11 Amma a̱mu za va̱ a̱ɓula̱ ɗa,

vu wawa mu

waru vu roco mu iliyali.

12 Vu wawa mu ta̱ a̱tsuma̱ e meleshe suru,

a̱tsuma̱ e iɓolo ya akiza

n ta cuwa a̱ A̱sulazuva.