1 A̱sulazuva,

zane ɗa a̱a̱ da̱nu Oogodo o Uga'asusan a̱ wu?

Zane ɗa rawai naa wa yuwan a̱ga̱nda̱ ɗe Sihiyona,

Aagaɗi a Akiza a̱ wu?

2 She za na ri na amayun,

a yuwusan ulinga u na u ri mejege,

na̱ za na adansa mejege,

diga o okolo a̱yi,

3 za na tsu lungusa̱ aala a za va̱ yi shi,

za na tsu yuwaan i'utsa̱ ya̱ yi iwuya shi,

ko u bete'we adanshi

adama o moron me nden ma̱ yi iwau shi.

4 Ko za na tsu tara vuma na,

A̱sulazuva a 'yuwain ili i ro shi,

amma u tsu ca ta̱ tsugbain

e ekere aza a na a uwwusa wovon wa̱ A̱sulazuva,

u tsu shiton ta̱ nzuwulai ma̱ yi,

ko woo yo'ono yi shi.

5 Za na tsu ca okopu e ikebe babu na u zamiyi u da̱shiyi,

waru u tsu ushi utowusu wu una̱ shi,

adama u ca usuwu wa̱ epen e ekere a za na ri nu unusu shi.

Cu'un vuma ndolo babu za na a gura jinga̱ɗa̱ yi, ko ke'en!