1 A̱sulazuva she vu ɓara mu

a̱tsuma̱ o upan wa̱ wu wan,

ko vu ca mu oforo

a̱tsuma̱ o upan wa̱ wu wan.

2 Adama a na vu uwwato mu ta̱

usa̱n ni aya a̱ wu,

a̱vu waru vu lapa mu

nu ukere wa̱ wu.

3 Adama o upan wa̱ wu,

lipu va̱ ri gbaga shi,

etele a̱ va̱ a̱ ri nu ucira shi,

adama o unusu u va̱.

4 Nusu va̱ la'a ta̱ ucira u va̱,

tsi itana yu ume

a la'a ta̱ ucira u va̱.

5 Adama o tsulo tsa̱ va̱,

antsu a̱ va̱ a shama ta̱

hali a̱ ka̱ra̱ o uta̱sa̱ ushamu.

6 Mɓa̱la̱ n va̱ n tu usa̱n lon

hali mɓa̱la̱'a̱ mpolo mu

n da̱na̱ ta̱ e mesun urana ma̱ɓula̱.

7 N ta̱ mpolo ni ivuna̱

n tu ubanakun lon.

8 N kuna̱ ta̱ suru suru,

lipu va̱ e ina ta̱ lon,

okolo a̱ va̱ a̱ ri nven shi

n ta̱ a̱ ma̱nga̱ adama o usa̱n.

9 A̱sulazuva vu reve ta̱ ili i na n cigai,

waru vu ta uwwusa ma̱nga̱ ma̱ va̱ suru.

10 Okolo a̱ va̱ a̱ ta̱ ma̱riya̱,

ucira u va̱ u koto ta̱,

esu a̱ va̱ o'wo ta̱ pilika̱.

11 N'utsa̱ n va̱ na̱ nron mu nden n va̱,

a suma mu ta̱

adama a antsu a̱ va̱,

hali fo a̱za̱ o u'wa a̱ va̱ a suma mu.

12 Aza a na a cigai o una mu

azuwaa mu ta̱ maza,

aza a na a cigai a paala mu

a yuwan ta̱ ifoɓi

i na a yuwan mu ulungusu.

Urana ma̱ɓula̱ a̱ ta̱

foɓuso mu iwuya.

13 N ta̱ tsa aagulani, n tsu uwwa shi,

n ta̱ tsa za na tsu gura yuwan adanshi shi.

14 Mo o'wo ta̱ tsa aagulani

n tsu uwwa adanshi shi,

za na tsu gura usu adanshi shi.

15 A̱sulazuva ya̱'a̱ wu ɗa

maa zuwusa ucira,

A̱sulazuva A̱sula̱ a̱ va̱

a̱vu ɗa vaa uwwa mu.

16 Avasa a̱ va̱ a̱ yi ɗa,

<<She vu lyawa n'yuwatan n va̱

n yuwan ma̱za̱nga̱

adama a̱tsuma̱lima̱ a̱ va̱ wan,

she vu lyawa le a lapa ma̱ka̱ka̱n

adama a̱ a̱risa̱ a̱ va̱ wan.>>

17 Adama a na n ciga ta̱ ma̱riya̱a̱,

mantsa suru n ta̱ pe a̱tsuma̱lima̱.

18 N damma ta̱ nusu va̱,

nusu va̱ zuwa ta̱

mo o'wo udamu lon.

19 A̱za̱ a̱ tsushu'un na̱ mu

babu ufaru a̱ ta̱ nu ucira lon,

aza a na a 'yuwan mu

babu ufaru a̱ ta̱ a̱bunda̱.

20 Aza a na a tsu tsupaa mu

isa'ani ni iwuya,

a̱ ta̱ tsushu'un na̱ mu,

adama a na n ta yuwusan

ukadu u na maa yuwan isa'ani.

21 A̱sulazuva she vu vari mu wan,

A̱sula̱ a̱ va̱ she vu yuwan

alanga na̱ a̱mu wan.

22 A̱sulazuva za vi iwawi i va̱

vu kamba mu gogo.