1 Cuwai A̱sulazuva!

Cuwai A̱sulazuva diga zuva,

a cuwa yi diga ɗe zuva va alanga.

2 Cuwa niyi, a̱ɗu nlingata ma̱ yi suru!

Cuwa niyi a̱ɗu oɓolo a̱ a̱soja a zuva a̱ yi suru!

3 Cuwa niyi, a̱ɗu urana na̱ woto,

cuwa niyi, a̱ɗu italyo'o i na ye ikanasa suru!

4 Cuwa niyi, a̱ɗu zuva va zuva suru suru,

na̱ a̱ɗu mini ma na ma̱ ri zuva va zuva!

5 Lyawa le a cuwa ala A̱sulazuva,

adama a na u ca ta̱ udammu,

reve gba o o'wo.

6 U shuwa̱ le ta̱ hali hali hali,

u zuwaa le ta̱ wila̱,

u na n ri koto shi.

7 Cuwayi A̱sulazuva diga pa o uvaɗi,

a̱ɗu inama i mini i gbagbain

na̱ a̱za̱ a̱ru'un a mala suru.

8 Imaɗatsu na atayan,

iro'i na atayan a̱ uri,

wunla̱ wu upepu u na

u tsu uwwa adanshi a̱ yi,

9 a̱ɗu nsasan na agaɗi suru,

ɗanga na tsu matsan,

na̱ ɗanga sida suru!

10 A̱ɗu inama yu una

ni iliyamunga suru,

ni ili yi ika̱ta̱pu na̱ nnunu n tsu'yan!

11 Ngono mu uvaɗi na̱ nɗa suru,

a̱za̱ o tsugono na aza a tsugbain tsu uvaɗi suru!

12 Olobo ne esheli,

mbara na̱ muwun!

13 Lyawa le a cuwa ala a̱ A̱sulazuva,

adama a na ala a̱ yi a ɗa goon a la'ai tsugbain.

Waru a̱ɓula̱ a̱ yi a pala ta̱ uvaɗi na̱ zuva.

14 U 'ya̱sa̱n ta̱ mogono mo ucira adama a ama a̱ yi,

adama a̱za̱ a̱ɓula̱ a̱ yi suru a cuwa yi,

ama a Isra'ila aza a na a̱ ri zuzu na̱ a̱yi.

Cuwayi A̱sulazuva!