Ica 123

Avasa adama e ene iliyali i va̱

Ishipa i na a ɗanayi aza a na a gawusan a̱ 'ya̱wa̱ uba̱ta̱ wa̱ a̱ga̱nda̱.

1 A̱sulazuva, n ta zuwusa esu a̱ va̱ ya̱ a̱ wu,

ɗe zuva uba̱ta̱ u na vu ri o tsugono.

2 Cine agbashi a tsu zuwa ucira

uba̱ta̱ wu zagbain le,

na̱ cine aagbashi o usheli

a tsu yuwaan mma va asula va̱ yi,

ne ɗa fo esu a̱ tsu a̱ ri

uba̱ta̱ wa̱ A̱sulazuva A̱sula̱ a̱ tsu

hali she na̱ we ene iliyali i tsu.

3 Vee ene iliyali i tsu, A̱sulazuva!

Vee ene iliyali i tsu,

adama a na ama a tara tsu ili i ro shi!

4 A̱za̱ o utsuru a jima ta̱

e izo’oshi i tsu,

a̱za̱ a yipalishi

aza aciyogbamu a tara tsu ili i ro shi!