1 A̱sula̱, vee ene iliyali i va̱,

vee ene iliyali i va̱,

adama a na ya̱'a̱ wu ɗa

wuma u va̱ wa̱ tsurusa̱ upa'atan.

N ta̱ tsura̱ upa'anta

o ululu we evelu a̱ wu,

hali she na̱ meleshe ma̱ ndolo ma̱ ka̱ra̱.

2 N ɗe ta̱ uba̱ta̱ Mogono ma̱ A̱sula̱,

uba̱ta̱ wa̱ A̱sula̱ a na o tsu shiton

ili i na u cigai a wuma u va̱.

3 U ta̱ lyungu ni ikambishi diga zuva

reve u wawa mu,

a ɓarasa aza a na a zuwa numu elime.Wivuwun

A̱sula̱ a̱ tsu roco mu ta̱ icigi ya̱ yi na̱ a̱ɓula̱ a̱ yi.

4 Wuma u va̱ u ta̱ memere me ikamu,

n ta̱ nven e memere me inama yu una

i na i tsu tamusa ama,

ama a na anga e le tan ɗa na aya,

aza a na elentsu e le a̱ ri u tewun tsa̱ mutsun mu pe'eni.

5 A̱sula̱, lyawa a cuwa wu ɗe zuva,

lyawa tsugbain tsa̱ wu tsa̱ da̱na̱ o uvaɗi ma̱ɓula̱!

6 N'yuwatan n va̱ azuwaa mu ta̱ maza

adama e reme ana a̱va̱,

usa̱n u la'a ta̱ ucira u va̱.

A̱ ka̱pa̱ ta̱ a̱a̱ka̱ri o ure u va̱,

amma a̱vu u ka̱mba̱ aciya̱le.Wivuwun

7 A̱sula̱, Okolo a̱ va̱ a kuɗa shi

okolo a̱ va̱ a̱ ta̱ lo u kuɗa shi.

N ta cana ishipa n yuwan tsuwe'e.

8 Juwan, wuma u va̱!

Juwan, igaraya na̱ kumburu va̱!

N ta jisan usana ni ishipa i va̱.

9 A̱sulazuva, n ta cuwa wu,

a̱tsuma̱ a nɗa,

n ta canaa wu ishipa

a̱tsuma̱ a ama.

10 Adama a na a̱bunda̱ e icigi ya̱ wu

i rawa ta̱ zuva,

a̱ɓula̱ a̱ wu

a rawa ta̱ e eleshe.

11 A̱sula̱, lyawa a cuwa wu ɗe zuva,

lyawa tsugbain tsa̱ wu tsa̱ da̱na̱ o uvaɗi ma̱ɓula̱.