1 A̱sulazuva Mogono ma ɗa!

U ta̱ wotowu na̱ tsugbain,

A̱sulazuva a̱ tu wotowu na̱ tsugbain,

u tu wotowu nu ucira.

Amayun, u shuwa̱ ta̱ uvaɗi,✝

waru wa̱ jinga̱ɗa̱ shi.

2 Ootogu o tsugono tsa̱ wu

a̱ tu ushuwu ɗe nu ujumu,

kafu a yuwan ili suru vu ta̱ lo.

3 A̱sulazuva, ikeɗu i mala i 'yon ta̱,

ikeɗu i mala i 'ya̱sa̱n ta̱ ɗyo le,

a̱ 'ya̱sa̱n ta̱ ɗyo le a̱ ma̱gugwa̱.

4 A̱sulazuva a ta tsugbain ɗe zuva,

tsugbain tsa̱ yi tsa̱ ta̱ nu ucira

u na u la'ai ma̱gugwa̱ ma̱ mini ma mala,

ucira wa̱ yi u la'a ta̱ ikeɗu i mini i mala.

5 A̱sulazuva, wila̱ wa̱ wu amayun a ɗa,

waru u'wa wa̱ wu akiza a ɗa

hali hali.