1 A̱sula̱, Okolo a̱ va̱ a kuɗa shi,

n ta cana reve n yuwan tsuwe'e

na̱ wuma u va̱ suru.

2 Juwan, igaraya na̱ kumburu!

Tsu jisan usana.

3 A̱sulazuva, n ta cuwa wu,

a̱tsuma̱ a nɗa,

n ta canaa wu ishipa

a̱tsuma̱ a ama.

4 Adama a na a̱bunda̱

e icigi ya̱ wu i na i tsu vadala shi

i rawa ta̱ zuva,

a̱ɓula̱ a̱ wu

a rawa ta̱ eleshe.

5 A̱sula̱, lyawa a cuwa wu ɗe zuva,

lyawa tsugbain tsa̱ wu tsa̱ da̱na̱ o uvaɗi ma̱ɓula̱.

6 Vu wawa tsu,

a̱vu vu kamba tsu

nu ukere wa̱ wu.

Adama aza a na vu ri e icigi

a̱ tsura̱ iwawi.

7 A̱sula̱ a yuwan ta̱ adanshi

diga uba̱ta̱ wa akiza a̱ yi,

u damma <<Nu ulyuwu wa aci u ɗa

me ne'eshe Shekem

a̱vu n rito Uka̱ri wa̱ Sukot.

8 Upasu wa Giliyadu za va̱ ɗa,

Manase fo za va̱ ɗa,

Ifiramu ɗa eegbezu a̱ rumu a̱ va̱,

Yahuza waru aɗanga o tsugono tsa̱ va̱.

9 Amma n to o'wo oto iɗa ya Mowa asa'atsu a̱ va̱,

Edom waru uba̱ta̱ u na maa varishi atan a̱ va̱,

n ta yuwan yisaali yu ulyuwu wa aci

a aci aza a Filistiya.>>

10 Zane ɗa a̱ 'ya̱wa̱to mu

a̱ lyuci vu ukari wu ucira?

Zane ɗa o rono mu aɗanga

a̱ tyo e iɗa ya̱ Edom?

11 A̱sula̱, a̱vu ɗa vu 'yuwan ntsu,

a̱vu vu 'yuwan o uta̱

oɓolo na̱ a̱soja a̱ tsu shi?

12 Vu yuwaan tsu ikambishi

e ekere a n'yuwatan,

adama a na ikambishi yi vaɗilima̱

ili ye pere i ɗa.

13 Ni ikambishi ya̱ A̱sula̱,

tsu ta lyuwa aci,

waru u ta dadasa n'yuwatan n tsu.