1 A̱ kyun vu ɗolu va Babila,

ɗe ɗa tsu da̱nuyi a̱vu tsu shon,

a mantsa ma na tsu cuwain Sihiyona.

2 A̱vu tsu sa̱ga̱do ikumburu i tsu

e eten a ɗanga.

3 Adama a na ɗe ɗa aza a na e reme ntsu

a zuwa ntsu tsu canaa le ishipa,

aza a na a casu tsu a̱tsuma̱lima̱

a cigai ishipa i ma̱za̱nga̱ ya̱'a̱ tsu,

a dansa, <<Canaa ntsu ishipa i ta̱

a̱tsuma̱ e ishipa ya̱ Sihiyona!>>

4 Cine tsaa cana ishipa ya̱ A̱sulazuva

a̱tsuma̱ e iɗa i limocin?

5 A̱vu Urishelima, n na̱ mi icina na̱ a̱vu,

lyawa ukere usa'ani u va̱ wi icina nu uguru wa̱ yi.

6 Lyawa eelentsu a̱ va̱ a kaɓalai nu una̱ wo gon u va̱

na̱ n cuwan na̱ a̱vu shi,

na̱ n tara Urishelima

ili i na i la'aa numu ma̱za̱nga̱ shi.

7 A̱sulazuva vu cuwan,

ni ili i na a̱za̱ a̱ Edom a yuwain

o urana u na Urishelima riya̱i.

Ununa a dammai,

<<Oco niyi e iɗa! Oco niyi e iɗa,

hali she e ikyun ya̱ yi.>>

8 A̱vu Babila

o to kototo wu!✝

Za ma̱za̱nga̱ ɗa,

zana a tsupa aciya̱wu,

o una̱ wi ili i na vu yuwaan ntsu!

9 Za ma̱za̱nga̱ ɗa

za a na aa usa nreɓu ma̱ wu

reve a kpukpasu'wa le a atali.