1 A̱sulazuva a damma ta̱ Zagbain va̱,

<<Da̱nu o ukere usa'ani u va̱,

she na̱ n zuwa n'yuwatan ma̱ wu

a apata a ana a̱ wu.>>

2 A̱sulazuva a ta zuwa

tsugono tsa̱ wu tsa bala diga Sihiyona,

vu ta yuwan tsugono

a̱tsuma̱ a n'yuwatan ma̱ wu.

3 Urana u na vo rono ali o uvon a̱ wu

aɗanga uba̱ta̱ o uvon,

ama a̱ wu na̱ a̱bunda̱ a ta ca aciyele

adama oɓolo ekere na̱ ali o uvon a̱ wu.

Cine a'iza a̱ tsu 'yon nu usana,

ne ɗa olobo a ca wu ukadu

adama a̱ ta̱wa̱ a kamba wu.

4 A̱sulazuva a yuwan ta̱ akucunu

waru waa vadala okolo a̱ yi shi,

<<A̱vu ganu ɗa hali hali,

o ure wa Malkisada.>>

5 A̱sulazuva a̱ ta̱ o ukere

u sa'ani wa̱ wu,

u ta̱ rukutsa̱ ngono

o urana wu upan wa̱ yi.

6 U ta̱ ge'eto nɗa,

o ɓolotosu a̱kwa̱kwa̱,

nu u rukutsa̱i ngono

mu uvaɗi ma̱ɓula̱.

7 U to sowo mini

o uka̱ri u na u ri a̱ nge'en mu ure,

reve wi isawan mishin

adama o ulyuwu wa aci.