1 Cuwai A̱sulazuva!

Za ma̱za̱nga̱ ɗa vuma na,

a uwwusa wovon wa̱ A̱sulazuva,

za na a uwwusa uyo'o,

wu udammu wa̱ yi!

2 Muwun ma za va̱ a̱ɓula̱

n ta yuwan ucira e iɗa'a,

limatan va̱ yi ta̱ tsa̱ra̱ aba'un.

3 Limatan va̱ yi ta̱ da̱na̱

nu utsuru ni ikebe,

linga va̱ a̱ɓula̱ a̱ yi waru

o ta̱ lo hali hali.

4 A̱yi ekan a ɗa na e ikanasa

e ekere aza amayun okolo

ni isa'ani ni iliyali na̱ a̱ɓula̱.

5 Za ma̱za̱nga̱ ɗa vuma na tsu ca une'e

no okopu no okolo a̱ ta̱,

za na a yuwusan wuma wa̱ yi

a̱tsuma̱ e mejege.

6 Amayun u ri n jinga̱ɗa̱ shi,

a ta cuwan na̱

za va a̱ɓula̱ hali hali.

7 U tsu uwwa wovon

wa alabari a vama shi,

okolo a̱ yi a̱ ta̱ mishin,

a zuwusaa A̱sulazuva ucira.

8 Okolo a̱ yi a̱ ta̱ ushuwu

waa uwwa wovon shi,

o ukosu u ta̱ ene ulyuwu wa aci,

a aci a n'yuwatan ma̱ yi.

9 U tsu ca ta̱ uba̱ta̱ wa̱ a̱za̱ o ulambu

na̱ o okolo a̱ ta̱,

a̱ɓula̱ a̱ yi a̱ ta̱ lo hali hali,

u ta̱ da̱na̱ za vu ucira na a ca tsugbain.

10 Za vi iwuya te ene a̱vu u yuwan upan

a wuma wa̱ yi suru.

Ifoɓi yi za vi iwuya u to o'wo pere.