1 Adama a̱ nye va yuwusan

uvaɗu ni iwuya,

a̱vu vuma gbain?

Adama a̱ nye vaa yuwusan

uvaɗu urana ma̱ɓula̱,

a̱vu na vaa yuwusan

ili i wono elime a̱ A̱sula̱?

2 Eelentsu a̱ wu

a̱ ta̱ e ifoɓi yi iwuya,

cine vu revei utanu u sa'avu,

a̱vu na vaa yuwusan epen.

3 Vu la'a ta̱ ciga iwuya

ula'awu ni isa'ani,

ne epen o una̱ wa amayun.Wivuwun

4 Vu la'a ta̱ ciga idanshi yu ukototosu,

a̱vu e eelentsu a̱ wulumu!

5 Adama o ndolo A̱sula̱,

a̱ ta̱ o kototo wu suru suru.

U te reme wu

a̱vu wu kara wu

diga o oogodo a̱ wu,

u ta tawa wu e iɗa

ya aza a wuma.Wivuwun

6 Na̱ a̱za̱ a̱ a̱ɓula̱ e ene

ili i wovon i nda

O to zo'oso yi,

a dansa,

7 <<Apa vuma na kuɗa̱i,

na wa zuwa A̱sula̱

wo o'wo uba̱ta̱ wu upa'atan

wu ucira wa̱ yi.

Amma a̱vu u zuwa

ucira o utsuru

wa̱ a̱bunda̱ a̱ yi,

a yuwusan ukadu

o kototosu ozo o ro!>>

8 Amma a̱mu n ta̱ tsu uɗanga u zetun wu uta̱nu

u na wa balasa o u'wa wa̱ A̱sula̱,

n zuwa ta̱ ucira u va̱ uba̱ta̱ wi icigi ya̱ A̱sula̱

i na i tsu vadala shi

hali hali hali.

9 N ta cuwa wu hali hali

adama e ili i na vu yuwain,

a ala a̱ wu a ɗa maa zuwa okolo,

adama a na ala a̱ wu a̱ tu ulobonu.

N ta cuwa wu elime

a ama a akiza a̱ wu.