1 A̱sulazuva a̱ shuwa̱ ta̱ ikyun i lyuci va̱ yi,

zuva va aatali a akiza.

2 U ciga ta̱ na̱ntsu lyuci va̱ yi,

ula'awu na̱ nda̱na̱ta̱ ma Yakubu.

3 A yuwan ta̱ adanshi a sa'ani a aci a̱ wu,

a̱vu lyuci va̱ A̱sula̱.

4 <<N ta̱ kece Rahapu a̱tsuma̱ aza a na e reve numu,

oɓolo na̱ Filistiya na̱ Taya na̱ Kush,

waru a ta damma, <A matsan yi ta̱ a̱tsuma̱ a̱ Sihiyona.> >>

5 Na amayun adama a̱ Sihiyona a ta damma,

<<A̱yi nda na̱ a̱yi ndeɗe, a matsan le ta̱ a̱tsuma̱ a̱ yi,>>

a̱yi Mogono ma̱ A̱sula̱ na aciya̱yi a ɗa wa̱ shuwa̱ yi.

6 A̱sulazuva a ta ɗana, o udaru wa aala ama a̱ yi,

ele nda a matsan le ta̱ Sihiyona.

7 Ndobiya na̱ a̱za̱ o uje'en a ta cana,

<<Ya̱'a̱ wu ɗa ufaru u va̱ wu uta̱i.>>