1 Isra'ila, vu damma

cu'un vi iwuya ni iɓongi

i na n'yuwatan ma̱ wu n yuwaan nuwu,

diga a̱vu o molobo!

2 N'yuwatan n va̱

m ɓongi mu ta̱ ni iwuya, diga a̱mu a̱ tsulolobo,

agba a̱ tsura̱ ulyuwu wa a aci uba̱ta̱ u va̱ shi.

3 A ɓatsa mu ta̱ ucina̱

reve o o'woto yi tsu uɗuma̱ u na a lumai.

4 Amma A̱sulazuva za va̱ a̱ɓula̱ ɗa,

u wawa mu ta̱ diga amunga a̱za̱ e iwuya.

5 Lyawa aza a na suru a 'yuwain Sihiyona,

a vadala a̱ ka̱mba̱ na̱ wono.

6 Lyawa o o'wo tsa anlya

a na o uta̱i zuva vu ukwa̱'a̱,

za na tsu 'yewe babu na u kungwai,

7 za na a gura rawa mazina* ma za vu ugasa,

ko o shiton ekere a̱za̱ o uɓolotosu wa akatalu shi.

8 Ta̱wa̱ aza a na a̱ ri a mmalu a̱ ka̱ra̱sa̱

a yuwan ica̱su a damma,

<<Lyawa aba'un a̱ A̱sulazuva

a̱ da̱na̱ aci a̱ ɗu,

tsu ta zuwusaa ɗu aba'un

a̱tsuma̱ a ala A̱sulazuva!>>