1 N damma ta̱, <<N ta guza̱ una̱ u va̱,

ma yuwan unusu ne eelentsu a̱ va̱ shi.

N te reme una̱ u va̱,

mantsa ma na a̱za̱ e iwuya a̱ ri zuzu na̱ mu.>>

2 N guza̱ ta̱ una̱ u va̱,

n damma ili i ro shi.

Ko na n da̱na̱i kpaku,

u kamba mu shi,

suru na̱ ne a̱tsuma̱lima̱ a̱ va̱

a̱ da̱shishi ta̱.

3 Okolo a̱ va̱ a shiwan ta̱ na atakaci,

o una̱ wa̱ a̱ a̱bunda̱ a majiyan ma̱ va̱,

ne ɗa a̱bunda̱ a̱tsuma̱lima̱ a̱ va̱ wo o'woi

Ili'i u zuwa mu ta̱

ko n 'yuwan n ciga n yuwan adanshi.

4 <<A̱sulazuva lyawa n reve

a̱bunda̱ a rana va̱.

Urana u ne u ɗa ma̱a̱ kuwa̱?

Roco mu cine rana va̱ ri a̱ ma̱ka̱ra̱.

5 <<A̱yi ɗa nda a̱bunda̱ a rana,

wuma va̱ a̱ ri a̱bunda̱ shi,

e ekere a̱ wu a'wan a̱ va̱

ili i ro i ɗa shi.

Amayun, vaɗilima̱ suru,

u tu tsu upepu u na wa̱a̱ ka̱ra̱sa̱.

6 Wuma u vuma u ta̱ cine vu revei

ululu u tsu vadala,

nu uvadalasa wa̱ yi suru pere ɗa.

U tsu ɓoloto ta̱ utsuru,

amma u tsu reve za na

a uwwa uyo'o u le shi.>>

7 <<A̱sulazuva a̱ nye ɗa maa zuwa okolo a̱ va̱?

Ya̱'a̱ wu ɗa maa zuwusa okolo a̱ va̱.

8 Wawa mu a̱tsuma̱ a̱ nusu va̱ suru,

she vu lyawa olo a yuwaan mu ulamu wan.

9 N guza̱ ta̱ una̱ u va̱,

maa damma ili shi,

adama a na a̱vu ɗa vu yuwain ne.

10 Vu tawa mu a̱tsuma̱lima̱ a̱ wu,

n ciga ta̱ ma̱kuwa̱a̱ adama a̱ likuku va̱ wu.

11 Vu tsu ɓara ta̱,

a̱vu vu ge'eto vuma

adama o unusu wa̱ yi,

cine vu revei aran,

vu tsu lungusa̱ ta̱ ili i na vuma la'a cigai,

amayun, vuma suru,

u tu lo cine vu revei upepu u na u tsu ka̱ra̱.

12 <<A̱sulazuva vu uwwa avasa a̱ va̱,

waru vu uwwa mesun ma̱ va̱,

vu tasa mu aɓara.

Adama a na n to oɓolo na̱ a̱vu,

cine vu revei mocin na a̱ ka̱ra̱,

a̱mu mocin ɗa,

cine vu revei nkaya n tsu n da̱na̱i.

13 Vu lyawa mu ko n ta̱ tsura̱ asuvu nden,

kafu n ka̱ra̱ n lyawa pa suru suru.>>