1 Lyawa A̱sula̱ a yuwaan tsu isa'ani

a̱vu u zuwaa tsu aba'un,

waru u zuwa urewesu wa̱ yi wi ikana tsu, Wivuwun

2 tsa̱ra̱ e reve re va̱ wu a̱tsuma̱ o uvaɗi,

iwawi ya̱ wu waru a̱tsuma̱ a nɗa suru.

3 A̱sula̱, lyawa a ama a cuwa wu,

lyawa a ama suru a cuwa wu.

4 Lyawa nɗa n yuwan mere

a cana ishipa adama a̱ ma̱za̱nga̱,

adama a na vu ta yuwusan

tsugono tsa a ama a̱ wu na̱ a̱ɓula̱,

waru vu to ronusoo

nɗa mu uvaɗi aɗanga. Wivuwun

5 A̱sula̱, lyawa a ama a cuwa wu,

lyawa a ama suru a cuwa wu.

6 Iɗa i ca ta̱ ugasa,

A̱sula̱ za na a̱ yi ɗa A̱sula̱ a̱tsu

a zuwaa tsu ta̱ aba'un.

7 Lyawa A̱sula̱ a zuwaa tsu aba'un,

lyawa ama o ukosu wu uvaɗi ma̱ɓula̱

a uwwa wovon wa̱ yi.