1 A̱sulazuva, n ta canaa wu

ishipa yi icigi oɓolo na amayun,

n ta cana ishipa

yi ica uba̱ta̱ wa̱ wu.

2 N ta̱ ka̱mbuwa̱ ugbozu

n yuwan ili i mejege.

Mantsa ma ne va̱a̱ ta̱wa̱ uba̱ta̱ u va̱

vu kamba mu?

N ta yuwan mmalu

o u'wa u va̱ na̱ a̱ɓula̱.

3 Maa zuwa esu a̱ va̱

e ili yi idaba shi.

Waru n 'yuwan ta̱ linga yipaalishi,

babu ili i na yoo ɓolo mu ne ele.

4 N ta yuwan alanga

na ama a na a̱ ri na̱ okolo a wuya,

n ri ni ili i na

maa yuwan ni iwuya shi.

5 Za na a̱ lungususa̱

moron ma̱ nden ma̱ yi aala usokowu,

n to kototo yi.

Za va aciyogbamu

za na tsu tara za ili i ro shi,

maa gura da̱nu na̱ yi shi.

6 Esu a̱ va̱ a̱ ta̱ da̱na̱ e idanasa

a̱za̱ a̱ a̱ɓula̱ e iɗa'a ni isa'ani,

tsa̱ra̱ a̱ da̱na̱

oɓolo na̱ a̱mu.

Za na mmalu ma̱ yi

n ri na addama shi,

u ta yuwaan mu ulinga.

7 Babu za va̱ A̱lumu

na a̱ da̱nu o u'wa u va̱.

Za na aa yuwusan epen

e isawan a̱ ma̱ka̱ka̱n ma̱ va̱ shi.

8 Usana biti n to kototo

a̱za̱ e iwuya e iɗa'a suru.

N ta̱ loso waru aza a na

aa yuwusan iwuya suru

a̱tsuma̱ a̱ lyuci va̱ A̱sulazuva.