1 N ta̱ godyowo wu A̱sulazuva,

no okolo a̱ va̱ ma̱ɓula̱,

n ta canaa wu ishipa yi ica a̱ ma̱ka̱ka̱n m musula̱.

2 N ta̱ kingyo a̱ ka̱lyuwusa̱

a̱ A̱a̱'isamapaɗa akiza a̱ wu,

n ta̱ godyowo ala a̱ wu

adama e icigi ya̱ wu i na i tsu vadala shi na̱ a̱ɓula̱ a̱ wu,

adama a na vu ca ta̱ ala a̱ wu na adanshi a̱ wu tsugbain

ula'awu ni ili biti.

3 Urana u na n ɗeyi, vu usu mu,

reve vu gbamato okolo a̱ va̱ nu ucira.

4 A̱sulazuva, lyawa ngono

mu uvaɗi suru n ciɓala wu,

a mantsa ma na aa uwwa adanshi o una̱ wa̱ wu.

5 A ta cana ishipa yi ica

yi re va̱ A̱sulazuva,

adama a na tsugbain tsa̱ A̱sulazuva

tsa̱ ta̱ mgbain.

6 Ko na wo o'woi A̱sulazuva a̱ ta̱ zuva,

u ta̱ ka̱lyuwusa̱ aza a na a tarai aciyele ili i ro shi.

Amma aza aciyogbamu

u tsu reve le ta̱ diga alanga.

7 Ko na̱ shi n ri a mmalu a̱tsuma̱ a̱tsuma̱lima̱,

vu tsu wawa mu ta̱,

vu tsu ba̱ruwa̱ ta̱ ukere wa̱ wu

a̱ nla̱ngi na̱ n'yuwatan n va̱ a̱tsuma̱ o upan ule,

waru ukere usa'ani wa̱ wu u tsu wawa mu ta̱.

8 A̱sulazuva o to shiton ifoɓi ya̱ yi aci a̱ va̱.

Adama a na icigi ya̱ wu i na i tsu vadala shi i ta̱ lo hali hali

A̱sulazuva, she vi icina

nu ulinga we ekere a̱ wu wan.