1 Za ma̱za̱nga̱ ɗa za na

aa uwwusa wovon wa̱ A̱sulazuva,

za na aa yuwusan mmalu a̱tsuma̱ o ure wa̱ yi.

2 Vu ta̱ lyuwa melen mo ulinga wa̱ wu,

vu ta yuwan ma̱za̱nga̱

reve vu tsura̱ ulyuwu we elime.

3 Ka va̱ wu to o'wo tsa a ataci a̱ inabi

na a matsusan o u'wa wa̱ wu,

muwun ma̱ wu waru tsa ɗanga Zetun

uka̱nda̱ruwu na̱ mapara ma̱ wu.

4 Ne ɗa a zuwaa vuma aba'un,

za na a uwwusa wovon wa̱ A̱sulazuva.

5 Lyawa A̱sulazuva a zuwaa wu aba'un,

diga Sihiyona a wuma wa̱ wu suru,

lyawa ve ene ulyuwu we elime wa̱ Urishelima.

6 Lyawa vu da̱na̱ wuma

ve ene muwun n tsukaya ma̱ wu.

Lyawa nden ma asuvu n da̱na̱ oɓolo na̱ Isra'ila.