1 A̱sulazuva Mogono ma ɗa!✝

Lyawa ama e je'en lipu,

u ta̱ nden uba̱ta̱ u tsugono tsa yi,

zuva e memere ma nan kerobobi,

lyawa uvaɗi u jinga̱ɗa̱.

2 A̱sulazuva a na a̱ ri Sihiyona zagbain ɗa,

za tsugbain ɗa a aci a nɗa suru.

3 Lyawa le a cuwa a̱ba̱jini ala a̱ wu

a na a̱ ri wovon.

A̱yi za va akiza ɗa.

4 Mogono ma gbain,

vu ciga ta̱ mejege,

vu shuwa̱ ta̱ ili i na i ri mejege,

vu yuwan ta̱ mejege na̱ a̱ɓula̱,

e ekere a Isra'ila.

5 I cuwa A̱sulazuva A̱sula̱ a̱ tsu,

i yuwan a̱ga̱nda̱ a̱ ma̱ka̱ka̱n ma̱ yi.

A̱yi za va akiza ɗa.

6 Musa na̱ Haruna,

a̱ da̱na̱ ta̱ a̱tsuma̱ a nan ganu a̱ yi,

Sama'ila waru da̱na̱ ta̱,

a̱tsuma̱ aza a na a̱ ɗesu ala a̱ yi,

e ɗe ta̱ A̱sulazuva,

waru u usu le ta̱.

7 U yuwan ta̱ adanshi ne ele,

a̱tsuma̱ oɓolo e eleshe,✝

a̱vu a yuwan tsutoni na̱ wila̱ wa̱ yi,

oɓolo nu udammu u na u ca nle.

8 A̱sulazuva A̱sula̱ a̱ tsu,

vu usu le ta̱.

Vu roco ta̱ Isra'ila,

a̱vu A̱sula̱ a na a tsu yuwan gafura ɗa,

ko na wo o'woi vu tsu ca le ta̱ oforo,

adama a̱ nusu le.

9 Cuwai A̱sulazuva A̱sula̱ a̱ tsu,

a̱vu i yuwaan yi a̱ga̱nda̱

a masasan ma akiza a̱ yi,

adama a na A̱sulazuva A̱sula̱ a̱ tsu,

za va akiza ɗa.