1 Nenikeme mbazi zako no uwagilwa,

nohukemele nt'hunyo weye Zumbe.

2 Neninde na wengele haheina wikazi wa nk'halalizi kwa wambizi wako.

Nenikale kwa moyo wedi na want'hu wa mwe nyumba yangu.

3 Naho heniuzumile uwihi,

naihiya ndima za wasaguke kwa Mnungu.

4 Unk'hani hounde mwangu,

nenikeike hale na kila uwihi.

5 Akumziga miyawe kwa kinyele,

uyo nenimbanange,

mta meso ya lubezo na moyo wa kukeduvya

henifinyilize kwajili yakwe.

6 Neniwakaulise wahuwilwa mwe isi,

awo nawekale ho undiilo wangu,

wose hewekukalalizwa,

nawo nawanivike miye.

7 Mta nyambi heekale hangu,

mtondwe haasigale ho undiilo wangu.

8 Neniwakome mazuwa yose,

wakudamanya maihi mwe isi,

neniwabanange pele wose wakudamanya maihi,

kulawa mwo mzi wa Zumbe Mnungu.