1 Unitegeleze halombeza,

weye Mnungu ywangu ukunigombela.

Unambize handa mwe makunt'ho.

Nionele mbazi unive kulombeza kwangu.

2 Nomgendeele kunibela mpaka ini?

naho nomgendeele mpaka ini kuungisa mbuli heziina kindedi,

na kuungisa mbuli za udant'hi?

3 Manyeni kugamba, Zumbe Mnungu kasagula mhuwilwa kwajili ywakwe mwenye,

naho naamwive umwo akamwitanga.

4 Aho nomnande zingizeni kwa kwogoha, naho mse kudamanya wavu,

myafanyanyise aya,

mkanda mhumula mwe zisazi zenyu.

5 Mlave malavo yawagilwe,

naho mumhuwile Zumbe Mnungu.

6 Wakulombeza wabinda wingi waka gamba,

"Kivikile, weye Zumbe Mnungu.

Kikaule kwa ukise wako!"

7 Moyo wangu kuumemeza kinyemi kikulu,

kujink'ha uwingi we nk'hande ne divai wananayo.

8 Neni tambaale hagona kwa utondowazi

kwaviya ni weye wikedu, weye Zumbe Mnungu,

ukunihumuza haheina nk'huswank'huswa.