1 Wahezi walonga mwe mioyo yawe,

"Mnungu hakuli."

Wose waganika,

naho wadamanya zikuihiza,

hahali hata yumwenga akudamanya ayedi

2 Kulawa kulanga, Mnungu akaula uku hasi

uneva naaone yeyose mbala akumzungula Mnungu,

3 mna kumbe wose wakulemela

wose waga,

hahali yeyose akudamanya ayedi,

hahali hata yumwenga.

4 Mnungu auza, "Togola hawamanyize?"

"Awa wakudamanya uwihi wahezi?

Wakuwadya want'hu wangu enga wadya mikate,

naho hawakunogoha miye Zumbe Mnungu."

5 Ivo, woho nawengilwe ni wogofi,

kutiswa hekwiinati kulaile kwawe,

kwaviya Mnungu naayamwaganise mavuha ya wank'hondo ya want'hu wakwe,

kwaviya Mnungu kawalemela.

6 Nevindilisa vedi

uyokozi wa Izilaeli wabuile kulawa Sayuni.

Want'hu wa Izilaeli hegu nawanda na kinyemi,

aho Mnungu akawavuza mwo uvikilwa naho!