1 Zumbe akwink'he uhituzi, akwambize ukadugana na makunt'ho!

Zina dya Mnungu ywa Yakobo dinde nk'hindilo yako.

2 Akwigaile wambizi kulawa kwe Nyumba yakwe,

naho akwink'he kawiilo kulawa mwo mnima Sayuni.

3 Naahokele malavo yako,

naho neelelwe ni nt'hambiko zako.

4 Akwink'he yadya ukuunga mwo moyo wako,

naho akukint'hizile imizungu yako yose.

5 Naswe nechange kwa uhumi wako,

naho nekinule bendela zetu kwa zina dya Mnungu ywetu.

Mnungu akwink'he yose ukulombeza.

6 Haluse elo himanya kugamba Zumbe Mnungu enk'hiza uhumi kwa seuta amsagule,

naamwink'he uhituzi kulawa hakukile hakwe kwe mbingu,

kwa udahi wakwe amwink'ha uhumi mkulu.

7 Wamwenga wahuwila magali ya kink'hondo,

wamwenga nawo wahuwila falasi,

mna suwe chahuwila zina dya Zumbe Mnungu ywetu.

8 Want'hu nawakobadike niyo wagwa,

mna suwe nekinuke niyo chakimala kitogile.

9 Weye Zumbe Mnungu, umwink'he uhumi seuta,

ukitike kikakwitanga.