1 Mnungu kionele mbazi na kukivikila,

ukikaule kwa ukise,

2 vileke isi yose imanye yadya ukuunga,

uyokozi wako mwa want'hu wa isi zose.

3 Want'hu wakutunye weye Mnungu,

want'hu wose wakutunye weye.

4 Want'hu wa isi zose wande na kinyemi na kukema,

kwaviya wawasengela want'hu haheina kwazagula,

naho walongoza isi zose mwe si.

5 Want'hu wakutunye weye Mnungu,

want'hu wose wakutunye weye.

6 Isi ilava ulozo wakwe,

Mnungu ywetu kakivikila.

7 Mnungu agendeela kukivikila,

want'hu wose wa isi zose wamogohe.