1 Si na vose vimndani ni va Zumbe Mnungu,

na wose wakwikala umwo ni wakwe yehe.

2 Si aizengaga mwe bahali,

na kuikila nk'hongelo mnanga mwe mito ya mazi.

3 Niani akudaha kukwela mwo lugulu lwa Zumbe Mnungu?

Naho niani naakimale hakukile hakwe?

4 Ni wadya du wakudamanya ayedi na fanyanyi zakwe,

wadya hewekuvika mahili,

hegu kukelisila milungu ya udant'hi.

5 Zumbe Mnungu naawavikile na kuwayokola,

Mnungu naawatambule woho kunda wawagilwa.

6 Awo ni wadya wakuzungula yakumwelela Mnungu,

naho ni wadya hewe kukwiihiya weye Mnungu ywa Yakobo.

7 Inuleni mitwi yenyu nyuwe nk'hili,

ink'hizeni sila nyuwe nk'hili ze kikale,

vileke seuta ywo ukulu engile.

8 Ni yuhi uyu seuta ywo uwedi utendese?

Yehe ni Zumbe Mnungu mta ludole naho mdahi,

Zumbe mhumi mwe nk'hondo.

9 Inuleni mitwi yenyu nyuwe nk'hili,

ink'hizeni sila nyuwe nk'hili ze kikale,

vileke seuta ywo ukulu engile.

10 Ni yuhi uyu seuta mkulu?

Zumbe Mnungu ywo udahi niye Seuta ywo ukulu.