1 Hegu nokulailai wandile Zumbe Mnungu hachambize?

nihituleni nyuwe Waizilaeli,

2 "Wandile Zumbe Mnungu hachandanye kwetu

umwo kikakump'hukilwa ni wank'hondo,

3 hegu nekimeligwa kikanda wagima

aho weze wande na maya na suwe,

4 nekigubikwa na mazi,

malao nayakikubila,

5 hegu malao ya mazi nayakibulumula."

6 Zumbe Mnungu atogolwe,

yehe hawakekile wank'hondo wetu wakilumize.

7 Kichupuluka enga kadege mwo lwinika wa mwongozi.

lwinika upochoko niyo suwe chachupuluka.

8 Wambizi wetu ulawa kwa Zumbe Mnungu aumbile mbingu na si.