1 Mkemeleni Zumbe Mnungu wila mhya,

kadamanya vint'hu va kweheela!

udahi akwe na ludole lwakwe lukukile,

vimwink'ha uhumi.

2 Zumbe Mnungu kaulagisa uyokozi wakwe,

kautenda uwagilwa wakwe umanyike mwe si.

3 Kakumbukila lukunde lwakwe,

no uhuwilwa wakwe kwa Izilaeli

want'hu wose mwe si wauwona uyokozi wa Mnungu.

4 Want'hu wose mwe si mkemeleni Zumbe Mnungu kwa kinyemi,

mtunyeni kwa mila ya kinyemi kwa kwanga.

5 Kemeni nt'hogola kwa Zumbe Mnungu kw mazee

hamwenga na mazeze mumtogole kwa maizwi yakwelela.

6 Hata kwa magunda na miluli,

yatoweni kwa kinyemi ho undiilo wa Zumbe Mnungu seuta ywetu.

7 Bahali na kila kimndani mwakwe nevivumile,

si na vose vimnanga mwako navo vikeme.

8 Nyuwe mito na toweni magasa,

milima ikeme hamwenga kwa kinyemi kwa Zumbe Mnungu,

9 kwaviya eza kuisengela si kwa uwagilwa.

na want'hu we si

kwa uhuwilwa.