Zabuli 150

Mtunyeni Zumbe Mnungu

1 Mtunyeni Zumbe Mnungu!

Mkemeleni Mnungu mwe nyumba yakwe hakukile,

mwangileni yehe kwe zimbingu zakwe zo udahi.

2 Mtunyeni kwa makulu akudamanya,

mkemeleni kwa ivo wili ukulu wakwe.

3 Mtunyeni mkamtowela digunda,

mtoweleni zeze na kinubi.

4 Mtunyeni mkamtowela ngoma na kuvina,

mtoweleni vint’hu vina nyuzi na miluli.

5 Mtunyeni mkamtowela lupatu,

mwangileni kwa mp’hatu zikuilisa.

6 Viumbwa vose vina ugima mtunyeni Zumbe Mnungu.

Mtunyeni Zumbe Mnungu.