1 Zumbe Mnungu ni seuta.

kavala ukulu na kukekaka ludole,

si iikwa itogile,

heidahike kuusigwa.

2 Useuta wako watogaga kukongela aho nk'hongo,

naho weye wandaga uuko umwo misimo yandaga ikei kukonga.

3 We Zumbe Mnungu mito ilave mazi mengi,

mito yakweza maizwi yakwe,

mito yakweza kuvumila kwawe.

4 Zumbe Mnungu ni mkulu kujink'ha mvumilo wa mazi mengi,

kakulisa kujink'ha mjubwaniso wa bahali,

kakulisa heviikuligana na mvumilo wa malao.

5 Zumbe, sigilizi zako zina udahi,

Nyumba yako ikukisa,

mazuwa yose.