1 Chekalaga hasi hwo lwega lwo mto wa Babeli,

chailaga kize kiikumbukile Sayuni.

2 Chahasikaga mazeze yetu,

mwa maziti ye isi idya.

3 Kwaviya wadya wakitahaga waungaga kiwagele kinyemi,

wakiungaga kiwakemele wila,

wakigambaga kiwakemele wila umwenga wa Sayuni.

4 Kikeme vivihi wila wa Zumbe Mnungu,

mwe isi yo utakwiza?

5 Uneva hakujala weye Yelusalemu,

mkono wangu wo kulume ujale kutowa zeze,

6 lulimi lwangu lunde luzama,

uneva hina kukumbukile weye,

uneva hina kufanyanye weye Yelusalemu,

kugamba ni kinyemi changu kikulu.

7 Weye Zumbe Mnungu kumbukila ivo Waedomu watendaga,

mwe dizuwa diya Yelusalemu yatahagwa.

Kumbukila ivo wandaga wakalonga,

"Imoleni Yelusalemu hata ne zink'hongelo zakwe!"

8 Weye Babeli, noubanangwe.

Wana kinyemi wadya wakuunga wakulihize,

kwa yadya ukitendele.

9 Ana kinyemi uyo akuunga awagwile wanawo,

niyo awahamizila mwo luwe.