1 Lagisa kugamba hina masa Mnungu ywangu,

unigombele mwa want'hu waihile

uniyokole mwa want'hu waihile na walulimi.

2 Nagulukila kwako kwo utondowazi Mnungu ywangu

Nii kunda hale na miye?

Nii niite uko na uko hahongeza

kwa kuhujilwa ni wank'hondo wangu?

3 Wigale ung'azi wako na ukindedi wako unilongoze,

unigale mwo mnima wako ukukile,

kwe nyumba yako.

4 Aho neniite kwe kilingo chako,

nenize kwako kwa kinyemi kikulu,

nohutunye kwa zeze weye Mnungu ywangu.

5 Nii nenda na kinyulu mwo moyo?

Nii nangadika ivo mwo moyo wangu?

Nohuhuwile Mnungu ywangu,

naho nohutunye kwaviya weye niwe Mnungu ywangu.