1 Sunguza Zumbe Mnungu!

want'hu wedi wasila,

wahuwilwa wahauka mwa want'hu.

2 Kila yumwenga amdant'hiliza miyawe,

walonga kwa lulimi naho kwa moyo wa finju.

3 Zumbe Mnungu inyamaze milomo ikudant'ha,

na kila lulimi lukukeduvya,

4 awo wakugamba. "Kwa milomo yetu chapata kiya kikuunga,

nekilonge ivo kikudaha,

hahali yeyose akudaha kukinyamaza?"

5 Mna Zumbe Mnungu agamba, "Haluse neza,"

"kwajili yo kuhujilwa kwa wakiwa,

na kulabilkwa heweina kint'hu

name neniwenk'he utondowazi nawakakukawiila kulawa kwangu."

6 Milosi ya Zumbe Mnungu ni yedi,

ni yedi enga masawa,

naho enga zahabu isunt'higwe nk'hanana mfungate.

7 Uchamile Zumbe Mnungu,

ukidime mazuwa yose ne cheleko iki cha wiihi.

8 Want'hu waihile wazunguluka kila hant'hu,

wavu watunywa mwa want'hu.