1 Weye Mnungu, uniyokole kwa zina dyako,

uniike ulekelwa kwa udahi unanawo.

2 We Mnungu, unitegeleze aya hulombeza,

unive kwa aya hulonga.

3 Weduvi wanibasa,

want'hu makwank'walu waunga wanikome,

ni want'hu hewekumwogoha Zumbe Mnungu.

4 Mna ikindedi, Mnungu niye wambizi wangu,

Kaula, Zumbe Mnungu niye dikawiilo dyangu.

5 Hake Zumbe Mnungu awavuzile wank'hondo wangu uwihi wawe,

naawabanange kwaviya yehe ni mhuwilwa.

6 Nohulavile nt'hambiko kwa kinyemi weye Zumbe,

nohwink'he nt'hogola

kwe dizina dyako kwaviya ni dyedi.

7 Kunikombola mwa makunt'ho yangu yose,

niyo nawaona wank'hondo wangu wakahumwa.