1 Zumbe niye Mdimi ywangu,

heni swese kint'hu chochose.

2 Yehe anitambalika mwa madimilo ya mani yekwani,

anigala kwa mazi yalenguke.

3 Yehe anivuzila ludole luhya,

naho anilongoza mwe zisila za uwagilwa kwajili ye dizina dyakwe.

4 Hata uneva nomboka mwe dikolongo dina lwiza lutithale,

henogohe uihi,

kwaviya Zumbe Mnungu ywi hamwenga na miye,

nk'home yako ne ngoda yako vanink'ha kukawiila.

5 Kuniikila lumwe fugo,

iivi wank'hondo wangu wakanikaula,

kunihaka mavuta mwo mtwi wangu,

kiyamp'ha changu kukimemeza niyo chetila.

6 Ikindedi, uwedi wako no lukunde lwako nevinde na miye wikazi wangu wose,

naho nenikale mwe nyumba ya Zumbe Mnungu mazuwa yose.